كعب رجلك هيبقي انعم من بشرة الاطفال ومن اول استعمال حصريا


السلام عليكم ورحمة الله وبركاته
النهاردة انا جبتلكم طريقة لتشققات الكعبين انا استخدمتها على سبيل التجربة ومكنتش متوقعة النتيجة الحلوة دى


هدخل فى الموضوع على طول ومش اطول عليكم
انا كعوب رجلى ناشفة شوية مع انها مكنتش كدة قبل كدة لكن الظاهر ان لبس الصنادل المفتوحة هى اللى عملت كدة
المهم هقولكم انا عملت اية علشان كعبى يبقى نااااعم وترى وكمان لونة وردى :shy:
اخدت الدش بتاعى وطبعا قبل ما اخلص روحت دعكت رجلى بالحجر اهم حاجة ان كعبك يكون ترى جدااا من كتر المية او بايش يعنى وبعد كدة ادعكى كعبك بالحجر عااادى جدااا

وبعد لما تخرجى نشفى كعبك وهاتى جلسرين وحطية على كعبك وادهنية كويس اااااوى وحطية بغزاااارة المهم هتحسى بسخونة فى كعبك وفى وقتها هتلاقى لون كعبك بقى وردى مايل للحمرة اكتر
سيبية كدة 5 دقايق فى الهوا متلبسيش حاجة ورجلك مش تلمس الارض .... بعد كدة هاتى فازلين طبى وحطية على رجلك مكان الجلسرين.. والجلسرين موجود لسة على كعبك
ادهنى كعبك بالفازلين وبغزااارة بردو وبعد كدة البسى شرااب ونااااااامى او خلى الشراب طول اليوم فى رجلك
تانى يوم اعملى نفس الموضوع ترى جلد كعبك ونفذى الخطوات تااانى ... وشوفوا النتيجة وهتدعولى انا عن نفسى جلد كعبى كان ناشف بس ومش فية تشققات ومن اول مرة حسيت الفرق لكن طبعا لو فى تشققات انصحك تصبرى يوم كمان على الوصفة مع تكررها .. وهتلاقوا كعبكم زى كعب الاطفال ترى وناااااعم ولونة وردى كمان

شارك الموضوع

مواضيع ذات صلة